Exercicios

	Sign In Sign-Up

INTRODUCCIÓN á ASTRONOMÍA de POSICIÓN Seminario Permanente do IES de Porto do Son, IES Campo de S.Alberto e IES Ramón Cabanillas

EXERCICIOS

Busca na bibliografía referencias ás vidas e obras de Ptolomeo e Copérnico. Fai un pequeño traballo onde se comparen os modelos Xeocéntrico e Heliocéntrico ¿Por que pensas que o primeiro modelo estivo vixente durante tantos séculos? Indica algún feito observacional diario que nos faga pensar na validez do mencionado modelo

Busca o significado dos seguintes conceptos:

                        Unidade Astronómica          Ano Luz             Eclíptica              Calendario
                        Galaxia                              Estrela              Planeta                 Cometa
                        Satélite                             Vía Láctea         Solsticio               Equinoccio
                        Estacións (Verán…)             Asteroide          Latitude                Eclipse

Analizando a táboa seguinte, onde se reflicten as distancias medias dos planetas ó Sol (expresadas en millóns de quilómetros), representa a escala sobre papel milimetrado o noso sistema solar, tomando como punto de referencia o Sol e utilizando a escala 1cm = 150*106Km; é dicir, 1cm equivale á distancia media Terra-Sol

***Distancias medias dos Planetas ó Sol***
*Escala Real (10E6 Km) Escala de Referencia (cm)*
Mercurio	58.500.000
Venus	108.000.000
Terra	150.000.000	1 cm
Marte	225.000.000
Xúpiter	780.000.000
Satruno	1.425.000.000
Urano	2.880.000.000
Neptuno	4.515.000.000
Plutón	5.925.000.000

Cos datos seguintes referidos ós diámetros ecuatoriais dos diferentes planetas e do Sol representa a escala o tamaño destes astros. Como o Sol e moi grande en comparación cos planetas podes representar unha porción do mesmo como fondo do debuxo e superpostos a el os planetas

***Diámetros ecuatoriais aproximados dos Planetas e do Sol***
*Escala Real (Quilómetros) Escala de Referencia (cm)*
SOL	1.393.000
Mercurio	4.880
Venus	12.100
Terra	12.750	1 cm
Marte	6.800
Xúpiter	143.000
Satruno	120.600
Urano	51.200
Neptuno	49.600
Plutón	2.300

As Constelacións non son máis que representacións mentais que dende antigo estableceron, de forma cambiante e de acordo coas súas crenzas e coñecementos, as diferentes civilizacións. Tendo en conta este feito debuxa sobre un papel milimetrado as seguintes constelacións tendo en conta (a escala) a distancia real das estrelas que as compoñen á Terra. Para elo prosigue da seguinte maneira: no plano do papel milimetrado e utilizando a liña inferior do mesmo como punto de partida (é dicir, onde situaredes o noso planeta) debuxa a escala (tendo en conta as distancias reais, expresadas en Anos Luz, que aparecen xunto as estrelas das diferentes constelacións) a distancia que separa as estrelas de cada constelación do noso planeta. A separación horizontal entre as estrelas vai ser a mesma ca que aparece nos debuxos; é dicir, estariamos a representar as cosntelacións pero dende outro punto de vista, en concreto, dende unha zona perpendicualr ó plano Terra-Constelación.

Busca na túa zona monumentos e outras edificacións nos que existan reloxos de Sol. Algúns deles parece que nunca acertan coa hora real. Indica a importancia que ten a orientación precisa do reloxo cara ó Sol para que o seu funcionamento sexa o correcto.

¿Saberías indicar por que vemos sempre a mesma cara da Lúa? (en realidade vemos un pouco máis da metade da Lúa). Repasa as diferentes Fases da Lúa e indica a que son debidas. ¿Verianse dende a Lúa Fases Terrestres?, é dicir, si estivéramos no noso satélite ¿poderiamos observar unha Terra Crecente ou Minguante? ¿falariamos algunha vez dunha Terra Chea ou Nova?

Constrúe un isntrumento semellante ó que aparedce esquematizado no apartado de Cálculo da Latitude do Lugar de Observación. Usando este instrumento cacula a Latitude do lugar no que vives. Busca nun Mapa Topográfico (ou nalgunha fonte bibliográfica axeitada) as coordenadas reais da túa zona. Compara ambos datos; ¿a que cres que é debida a diferencia dos resultados? ¿Poderia ter algo que ver que a Estrela Polar non estea situada exactamente no Norte Celeste?. Razoa as respostas

Constrúe o teu propio reloxo de Sol baseándote nas indicacións propostas no texto; sitúalo de forma axeitada e explica a que pode ser debida a inexactitude que ás veces observarás no seu funcionamento

Analizando o efecto da Paralaxe podemos calcular a distancia ás estrelas máis próximas a nos, ou, alomenos, ter unha idea aproximada da mesma. Coñecendo o factor de aumento co que se fixeron as fotografías, o valor do desprazamento fotográfico anual, medido ó superpor as fotografías realizadas, e a distancia que separa as posicións terrestres a partir das cales se efectuaron as exposicións fotográficas, podemos calcular dunha forma aproximada a distancia que nos separa das estrelas que amosan paralaxe.

O valor do desprazamento fotográfico anual dunha estrela que presenta paralaxe, medido despois de aplicar un sistema de ampliación "M", pódese expresar do seguinte xeito:

Dx = M [D/d]

... onde:

Dx representa o valor do desprazamento fotográfico
M representa o factor de aumento
D representa a distancia entre as posicións extremas da órbita terrestre (aproximadamente uns 300 millóns de quilómetros)
d representa a distancia que nos separa da estrela en cuestión

Tendo en conta o anterior e supoñendo que o factor de aumento en tódolos casos é de M=200 metros, calcula a distancia á que se atopan as seguintes estrelas:

a Centauri ........................................... Dx= 1.45 mm

Sirius ...................................................... Dx = 0.74 mm

Vegas ....................................................... Dx = 0.24 mm

Altair ...................................................... Dx = 0.28 mm

Calcula, aplicando o método da Paralaxe a distancia a un obxecto determinado e verifica posteriormente, coa axuda dunha cinta métrica, a distancia real ó mencionado obxecto. Estima a porcentaxe de erro cometida e discute sobre a importancia que ten ser moi meticuloso á hora de toma-las medidas dos ángulos.