|
|
Cálculo da Latitude do lugar de observación
Podemos calcular a latitude do lugar empregando un
sinxelo instrumento, consistente nun semicírculo graduado e nunha
plomada. Apuntamos coa base do semicírculo cara a estrela Polar
e, coa axuda da plomada, lemos o ángulo directamente no propio semicírculo.
Este ángulo corresponde coa nosa latitude. Para facer o cálculo
con máis precisión podemos usar como “visor” unha palla de
refresco ou algo similar.
Este é o fundamento dos Goniómetros
e Teodolitos en xeral, que se empregan como instrumentos de máis
precisión para medir ángulos.
De tódolos xeitos hai que facer notar que a estrela Polar non se sitúa exactamente no Norte Celeste, co cal, por moi precisos que sexamos nas nosas medidas, sempre cometeremos un erro mínimo de ±1º.
